सोलापूर मनपा निवडणुकीसाठी आयुक्त कार्यालयात निवडणूक अधिकाऱ्यांची आढावा बैठक..

सोलापूर : सोलापूर महानगरपालिका निवडणुकीच्या पार्श्वभूमीवर आयुक्त कार्यालयात निवडणूक निर्णय अधिकारी तसेच सहाय्यक निवडणूक अधिकाऱ्यांची आढावा बैठक पार पडली. या बैठकीत आगामी निवडणूक प्रक्रिया सुरळीत, पारदर्शक आणि नियमबद्ध पद्धतीने राबवण्याबाबत सविस्तर चर्चा करण्यात आली.

          मतदार यादी अद्ययावत करणे, मतदान केंद्रांची तयारी, मनुष्यबळ नियोजन, सुरक्षेच्या उपाययोजना आणि आदर्श आचारसंहितेची अंमलबजावणी यावर विशेष भर देण्यात आला. निवडणूक काळात कोणतीही गडबड होऊ नये यासाठी सर्व अधिकाऱ्यांनी समन्वयाने काम करण्याच्या सूचना आयुक्तांनी दिल्या.

         तसेच मतदार जनजागृती, तक्रार निवारण यंत्रणा आणि निवडणूक खर्चावर नियंत्रण ठेवण्याबाबतही मार्गदर्शन करण्यात आले. सोलापूर महानगरपालिका निवडणूक शांततेत व यशस्वीरीत्या पार पाडण्यासाठी प्रशासन सज्ज असल्याचे यावेळी स्पष्ट करण्यात आले.